Тошкентдаги олий ўқув юртларидан бирининг ўқитувчиси (аёл киши) ўз талабаларига курс ишини қандай ёзиш кераклигини тушунтирар экан, уларга ишнинг кириш қисмида Ислом Каримовдан эмас, Шавкат Мирзиёевдан иқтибос келтиришни, Президентнинг 5 та ташаббусини албатта тилга олиб ўтиш зарурлигини уқтиради.
Ўқитувчининг бу топшириғи Озодликка келган аудиоёзувда акс этган. Озодлик ўқитувчи билан ҳозирча боғланмагани учун унинг исмини ва ўқув юрти номини бу ерда келтирмаяпмиз.
Аудиоёзувдан пайдо бўлган саволларни Ҳарбий академия ўқитувчиси, педагог олим Маҳмуджон Йўлдошевга бердик.
Суҳбатдошимиз айни пайтда Юридик университетнинг 1-курс талабаси ҳам – Ўзбекистондаги ёши энг улуғ талабалардан. У ҳукуматнинг 25 майдаги қарори билан туман ва шаҳарларда тузиладиган нуронийлар жамоатчилик кенгашларидан бирининг потенциал аъзосидир.
OzodNazar Маҳмуджон Йўлдошевдан, шундай кенгашга аъзо бўлиб қолса, нима иш қилишини, умуман бундай кенгашларнинг нимага кераклигини ҳам сўради.
