Қирғизистон Ички ишлар вазирлиги диний экстремизмга қарши кураш бош бошқармаси раҳбари Таалай Ақбаев, “Ҳизбут-таҳрир” ташкилоти аъзолари сафини кенгайтиришда аёллар ҳам фаол иштирок этаётганини маълум қилди:
- Аёллар эркаклар билан бир қаторда экстремистик ҳаракатлар билан шуғулланиб махсус гуруҳлар тузиб келмоқда. Масалан, 2011 йилнинг апрел ойида ўтказилган текширув ишлари натижасида Бишкек шаҳри ва Чуй вилоятида “Ҳизбут-таҳрир” ташкилотининг аёллар қаноти мавжудлиги аниқланди ва фош қилинди. Тергов натижасида мазкур аёллар гуруҳи узоқ вақт мобайнида ўз сафларига бошқа аёлларни жалб қилиб, уларни ўқитиб келгани аниқланди, - дер экан Таалай Ақбаев, мамлакатдаги эстресмистик гуруҳлар аъзоларининг 8 фоизини аёллар ташкил қилишини қўшимча қилди.
Маълум бўлишича, ҳозирда “Ҳизбут-таҳрир” ташкилотига аъзо бўлган икки аёл қўлга олинган ва яна икки нафари мамлакатдан ташқарига чиқмаслик тўғрисидаги тилхат билан қўйиб юборилган. Маълумотларда айтилишича, турли диний оқимларнинг аёллар қаноти асосан Қирғизистон жанубида фаолият юритади.
Қирғизистон ҳукумати қошидаги Дин ишлари бўйича давлат комиссиясининг жануб бўйича вакили Қурбонали Узақовнинг айтишича, диний экстремистик руҳдаги оқимларнинг тузоғига асосан уй бекалари тушмоқда:
- Боткен вилоятининг Қадамжой тумани Учқўрғон қишлоғида асосан тожик миллатига мансуб аёллар орасида диний оқимларга қўшилганлар кўпаяётгани сезилади. Ўш вилоятининг Қорасув шаҳрида ўзбек миллатига мансуб аёллар орасида ҳам экстремистик гуруҳ вакиллари кўпаймоқда, - деди Қурбонали Узақов.
Сиёсий таҳлилчи Уран Бўтўбеков фикрича, Қирғизистонда ўтган йили содир бўлган воқеалардан кейин “Ҳизбут-таҳрир” ташкилоти фаоллашди. Бунга мамлакатдаги беқарор сиёсий вазият ҳамда ҳукуматнинг эътиборсизлиги шароит яратди. Бўтўбеков, шунингдек, сўнгги пайтларда одамлар орасида экстремистик адабиётлар аёллар томонидан тарқатилаётгани кузатилаётганини айтади:
- Масалан, бир оиладан бир одам ташкилотга жалб қилинса, оиланинг бошқа аъзолари ҳам уларнинг ишларига аралашиб қолади. Бундай кўринишлар жуда кўп. Аввал ҳам диний оқимларда фаол аёллар бўлган. Бироқ ҳозир одамлар орасида адабиётлар тарқатиш аёлларга ўтгани ҳақида маълумотлар жуда кўп,- деди Уран Ботобеков.
Қирғизистон ҳукумати қошидаги Дин ишлари бўйича давлат комиссиясининг жануб бўйича вакили Қурбонали Узақов аёлларнинг экстремистик гуруҳларга қўшилиб кетиши олдини олиш учун муфтият қошида аёллар билан иш олиб борувчи бўлимни тиклаш лозимлигини айтади.
- Аёллар билан ишлаб, уларни тоза динга, ананавий исломга жалб қилиш ишларини Қирғизистон мусулмонлар дин бошқармаси қўлига олса яҳши бўлар эди. Аваллари муфтиятнинг ҳудудий ваколатхоналарида аёллар билан ишлаш бўлимлари бўлган экан. Ҳозир улар йўқ. Мусулмон аёллар билан иш олиб борувчи ҳеч ким йўқ, - деди Қурбонали Узақов.
“Ҳизбут-таҳрир” ташкилоти фаолияти 2003 йилда Қирғизистон Олий суди томонидан тақиқланган.
- Аёллар эркаклар билан бир қаторда экстремистик ҳаракатлар билан шуғулланиб махсус гуруҳлар тузиб келмоқда. Масалан, 2011 йилнинг апрел ойида ўтказилган текширув ишлари натижасида Бишкек шаҳри ва Чуй вилоятида “Ҳизбут-таҳрир” ташкилотининг аёллар қаноти мавжудлиги аниқланди ва фош қилинди. Тергов натижасида мазкур аёллар гуруҳи узоқ вақт мобайнида ўз сафларига бошқа аёлларни жалб қилиб, уларни ўқитиб келгани аниқланди, - дер экан Таалай Ақбаев, мамлакатдаги эстресмистик гуруҳлар аъзоларининг 8 фоизини аёллар ташкил қилишини қўшимча қилди.
Маълум бўлишича, ҳозирда “Ҳизбут-таҳрир” ташкилотига аъзо бўлган икки аёл қўлга олинган ва яна икки нафари мамлакатдан ташқарига чиқмаслик тўғрисидаги тилхат билан қўйиб юборилган. Маълумотларда айтилишича, турли диний оқимларнинг аёллар қаноти асосан Қирғизистон жанубида фаолият юритади.
Қирғизистон ҳукумати қошидаги Дин ишлари бўйича давлат комиссиясининг жануб бўйича вакили Қурбонали Узақовнинг айтишича, диний экстремистик руҳдаги оқимларнинг тузоғига асосан уй бекалари тушмоқда:
- Боткен вилоятининг Қадамжой тумани Учқўрғон қишлоғида асосан тожик миллатига мансуб аёллар орасида диний оқимларга қўшилганлар кўпаяётгани сезилади. Ўш вилоятининг Қорасув шаҳрида ўзбек миллатига мансуб аёллар орасида ҳам экстремистик гуруҳ вакиллари кўпаймоқда, - деди Қурбонали Узақов.
Сиёсий таҳлилчи Уран Бўтўбеков фикрича, Қирғизистонда ўтган йили содир бўлган воқеалардан кейин “Ҳизбут-таҳрир” ташкилоти фаоллашди. Бунга мамлакатдаги беқарор сиёсий вазият ҳамда ҳукуматнинг эътиборсизлиги шароит яратди. Бўтўбеков, шунингдек, сўнгги пайтларда одамлар орасида экстремистик адабиётлар аёллар томонидан тарқатилаётгани кузатилаётганини айтади:
- Масалан, бир оиладан бир одам ташкилотга жалб қилинса, оиланинг бошқа аъзолари ҳам уларнинг ишларига аралашиб қолади. Бундай кўринишлар жуда кўп. Аввал ҳам диний оқимларда фаол аёллар бўлган. Бироқ ҳозир одамлар орасида адабиётлар тарқатиш аёлларга ўтгани ҳақида маълумотлар жуда кўп,- деди Уран Ботобеков.
Қирғизистон ҳукумати қошидаги Дин ишлари бўйича давлат комиссиясининг жануб бўйича вакили Қурбонали Узақов аёлларнинг экстремистик гуруҳларга қўшилиб кетиши олдини олиш учун муфтият қошида аёллар билан иш олиб борувчи бўлимни тиклаш лозимлигини айтади.
- Аёллар билан ишлаб, уларни тоза динга, ананавий исломга жалб қилиш ишларини Қирғизистон мусулмонлар дин бошқармаси қўлига олса яҳши бўлар эди. Аваллари муфтиятнинг ҳудудий ваколатхоналарида аёллар билан ишлаш бўлимлари бўлган экан. Ҳозир улар йўқ. Мусулмон аёллар билан иш олиб борувчи ҳеч ким йўқ, - деди Қурбонали Узақов.
“Ҳизбут-таҳрир” ташкилоти фаолияти 2003 йилда Қирғизистон Олий суди томонидан тақиқланган.
