GM Uzbekistan АЖ ўз автомобилларини Ўзбекистон ҳудудида тўлиқ миллий валютада сота бошлайди. Маҳаллий нашрларнинг Компания сайтига таяниб хабар қилишича, GM Uzbekistan раҳбарияти Ўзбекистон Президентининг «Валюта сиёсатини либераллаштириш бўйича бирламчи чора-тадбирлар тўғрисида»ги фармони ижроси юзасидан шундай қарор қабул қилган.
Автомобиль нархлари 2017 йил 4 сентябргача Марказий банкнинг долларга нисбатан курси бўйича белгиланган қийматига мутаносиб равишда қайд қилинган. 5 сентябрдан Марказий банк томонидан доллар курси 8100 сўмлиги эътиборга олинса, автомобилларнинг доллардаги қиймати тушганига гувоҳ бўлиш мумкин.
Эндиликда, масалан,
Spark LT A/T русумли автомобиль нархи 9.143,73 АҚШ долларига тенг.
Nexia 3 LTZ A/T - 10.614,76 (АҚШ доллари);
Cobalt LTZ A/T 11.997,93; Lacetti CDX A/T 15.247,70;
Orlando LTZ A/T 16.816,97;
Malibu 2 LT A/T 28.571,64
