Publitsist Sharof Ubaydullaev kun voqealari yuzasidan bugungi suhbatda ham, odatdagiday, yaqin tarixga ekskurs yasadi: “Jahon o‘zbeklarining Ikkinchi qurultoyini chaqirish vaqti keldi”, der ekan, Ubaydullaev Jahon o‘zbeklarining Birinchi qurultoyini esladi. 1992 yili o‘tkazilgan bu anjuman ishida prezident Karimov qatnashgan edi. O‘shandan buyon bunday milliy anjumanlarni O‘zbekistonning qo‘shnilari bir necha martadan o‘tkazdi. Biroq O‘zbekiston jahon o‘zbeklari vakillarini, chorak asr muqaddam mehmonga chaqirganidan buyon, boshqa chaqirmadi.
Shunday qurultoy yaqin kelajakda chaqirilishiga Sharof Ubaydullaev prezident Mirziyoevning Yangi yil tabrigida bir ishora ko‘rganday...
