“Ўзтемирйўлйўловчи” акциядорлик жамияти жорий йилнинг февралидан бошлаб бир қатор халқаро йўналишларда қатнайдиган йўловчи поездлари учун қўшимча қатновларни йўлга қўяди.
Бу ҳақда жамиятнинг расмий сайтида эълон қилинди.
Унда айтилишича, ҳозирги кунда Тошкент-Москва, Тошкент-Уфа ва Андижон-Москва йўналишларида ҳафтада бир марта қатнаётган йўловчи поездлар февралдан бошлаб ҳафтада 2 марта қатнай бошлайди.
Тошкент-Волгоград йўналишидаги йўловчи поезди эса ҳафтада 3 марта қатновни амалга оширади.
