Toshkent viloyat, Ohangaron shahrida yashovchi tadbirkor Gulnora Yo‘ldoshevaning OzodMikrofonga murojaat qilib, aytishicha, uning do‘konini shahardan o‘tgan magistral yo‘lni kengaytirish vaji bilan buzish rejalashtirilgan.
20 yildan buyon tadbirkorlik qilib kelayotgan 42 yashar Gulnora Yo‘ldoshevaga ko‘ra, uni do‘konini buzish uchun avvaldan ogohlantirishmagan va tovon puli ham berishmayapti. Shu bois tadbirkor ayol do‘konining buzilishiga qarshilik qilayotganini aytadi.
- Menga 18 avgust kuni hokimning buzish haqidagi qarorini olib kelib berishdi. Shu kuni do‘konimning hamma tomonini to‘sib, savdo qilishimni ham cheklab qo‘yishdi. Lekin buzish uchun oldindan ogohlantirishi va tovon puli berishi kerakku! Bular qonunga zid harakat qilishmoqda, deydi Gulnora Yo‘ldosheva.
