Qator ziddiyatli vaziyatlar, ayniqsa so‘nggi paytlarda ijtimoiy tarmoqlarda keng rezonans uyg‘otgan Yakkabog‘dagi ikki holat, Rishton, Yangiyo‘l tumanlari va Urganch shahridagi fuqarolar va hokimiyat vakillarining ochiq konfrontatsiyasi kabi holatlar hammamizni tashvishlantirmoqda.
Bu “Yuksalish” umummilliy harakati raisi Akmal Burxonovning bayonoti.
“Yuksalish” umummilliy harakati raisi 27 iyul kuni u yetakchilik qilayotgan harakat aholi punktlarini qayta qurish jarayonida mahalliy hokimiyat organlari tomonidan doimiy tarzda yo‘l qo‘yilayotgan kamchiliklarga barham berishga yo‘naltirilgan tizimni yaratish bo‘yicha takliflarni ishlab chiqayotganini xabar qildi.
Jahongir Muhammad bilan suhbatda mamlakat bo‘ylab avj olgan buz-buzlar oqibatida yuzaga kelgan nosog‘lom vaziyat haqida ham so‘z bo‘ldi.
