Rishtonlik bloger Dima Qayum bilan Ozodlik kamida ikki yildan buyon tanish. Ba’zan-ba’zan Dima OzodNazarning mehmoni bo‘lib turadi.
O‘sha suhbatlarda tilga olinmagan, biroq ularning oldi-ortida - mikrofonsiz muloqotlar chog‘ida Dima Oliy Majlisga deputat bo‘lish, hamyurtlarining og‘irini yengil, uzog‘ini yaqin qilish niyati borligini aytgan. Qolaversa, Dimaning bloglaridan ham uning shunday rejasi borligi sezilar edi.
Biroq bugun nomzodlar ro‘yxatida Dima Qayum yo‘q. Nega? Shu haqda, saylovoldi jarayonining borishiyu kunning boshqa mavzularda gurunglashdik nomzodlikka loyiq topilmagan bloger bilan.
