O‘zbekiston prezidenti 10 aprelda imzolagan xalq tabobatini rivojlantirishga doir qo‘shimcha chora-tadbirlar to‘g‘risidagi qarorga binoan, joriy yil 1 maydan boshlab tuman (shahar), viloyat va respublika darajasidagi davlat ko‘p tarmoqli tibbiyot muassasalarida xalq tabobati xonalarini ochiladi.
Bunday xonalarda ishlaydigan tabiblarga ish haqini davlat to‘laydi, ular muassasa tibbiyot xodimlari uchun ajratilgan shtat birliklaridan birini egallaydi.
Aholiga tibbiy xizmat ko‘rsatish sohasida joriy etilayotgan bu chorani tushunish uchun Ozodlik Prezident qarori loyihasi mualliflaridan biri, O‘zbekiston tibbiyot akademiyasi a’zosi, kimyo fanlari doktori, professor Rustam Nuriddinov hamda andijonlik oliy toifali vrach Otabek Ahliddinovlar bilan suhbatlashgan edi o‘sha suhbatlarni 28 aprelda e’lon qilganmiz.
Mavzuni davom ettirib, bugun e’tiboringizga namanganlik tabib A’zamxon Abduboyev bilan suhbatni havola qilyapmiz:
