“Mingta emas, bitta odam o‘lsa ham uning ortida qolgan ikkita bolasi bor. O‘sha paytda 5 yashar bo‘lgan bo‘lsa, hozir 20 yashar bo‘ldi. U bilishi kerak otasi nima uchun o‘lganini. Yoki onasi, bobosi yoki amakisi nima uchun o‘lganini bilishi kerak. Unga aytish kerak nima bo‘lganini. Davlat, aybi bo‘lsa, “kechirasan bolam, men seni yetim qilib qo‘ydim” deyishi kerak. To‘g‘ri, endi o‘lgan otasini qaytarib olib kelib berolmaydi. Lekin o‘sha yetim qolgan bolaga qandaydir tovon to‘lanishi kerak…”
Bu fikrni bugungi OzodSuhbatda farg‘onalik bloger Bahodirxon Eliboyev bildirdi.
Andijon fojiasi yuz bergan 2005 yilda 25 yoshda bo‘lgan Bahodirdan 13 may voqealari to‘g‘risidagi xabarlarni o‘sha vaqtda qayerdan eshitganini, fojia to‘g‘risida o‘sha paytda nimalarni o‘ylaganiyu oradan 15 yil o‘tib qanday xulosalarga kelganini so‘radik.
