Sarlavhaga chiqarganimiz gap bugungi suhbatdoshimizning emas, prezident Mirziyoyevning gapidir. Davlat rahbari o‘tgan hafta yakunida Namangan viloyati faollari bilan o‘tkazilgan yig‘ilishda aynan mana bunday dedi:
“Topshiriq berdim: endi attestatda har bir maktabning 11- sinfini tugatgan bolalarimizning bitta cholg‘u asbobini o‘rgangan degan bahosi bo‘ladi”.
Bu fikrini izohlar ekan, Shavkat Mirziyoyev yana bunday dedi:
“Nima uchun bu kerak? Iqtisodiyotni tiklaymiz, lekin shu bilan bap-baravar madaniyatimizni tiklab bormasak, ertaga ma’naviy ozuqa bo‘lmagan elda, xalqda, yoshda yutuq bo‘lmaydi”.
Prezident “har bir attestatda cholg‘u asbobini o‘rgangan, degan baho bo‘ladi”, bu haqda “topshiriq berdim” deb aniq-tiniq aytib tursa ham, bugungi suhbatdoshimiz, pedagog olim Mahmudjon Yo‘ldoshev “Prezidentning gapini aynan tushunmaslik kerak” dedi.
Nega aynan tushunmasligimiz kerak? Tushunmadik...
