O‘zbekistonning barcha hududlarida 15 avgustdan avtotransport vositalarining kun davomida yurishi, mahalliy avia va temir yo‘l qatnovi uchun ruxsat berish kerak. Bu haqda prezident Shavkat Mirziyoyev 12 avgustda o‘tgan videoselektor yig‘ilishida ko‘rsatma berdi.
Prezident matbuot xizmatining bildirishicha, sanatoriylar, mehmonxonalar, muzeylar, bolalar oromgohlari, dala hovlilar ijarasi, go‘zallik salonlari, sartaroshxonalar, ochiq havoda xizmat ko‘rsatadigan umumiy ovqatlanish obyektlari faoliyati ham tiklanadi.
11 avgustda O‘zbekiston prezidenti “Kambag‘al va ishsiz aholini tadbirkorlikka jalb qilish, ularning mehnat faolligini oshirish va kasb-hunarga o‘qitishga qaratilgan chora-tadbirlar to‘g‘risida”gi qarorni imzoladi.
Bir qarashda bu ikki voqea o‘rtasida bog‘liqlik yo‘qday. Biroq dramaturg Sanjarali Imomovning fikricha, bog‘liqlik bor va u uzviydir.
