O‘zbekiston prezidenti Shavkat Mirziyoyevning BMTning 75-sessiyasida o‘zbek tilida so‘zlagan nutqi mamlakat OAVda, ijtimoiy tarmoqlarda bir necha kun muhokama qilindi.
Ammo muhokama asosan bir yo‘nalish – o‘zbek tilida nutq so‘zlanishi haqida bordi. Prezidentning sessiyada aytgan gaplarining bugungi o‘zbek jamiyatidagi hayotiy voqelikka qanchalik to‘g‘ri kelishi haqida deyarli hech narsa deyilmadi.
Prezident o‘z chiqishida mamlakatdagi demokratik o‘zgarishlar ortga qaytmaydigan tus olgani, parlamentga o‘tkazilgan saylovlarda aholi, partiyalarning siyosiy faolligi, OAVning ta’siri oshganini aytdi.
Xo‘sh, haqiqatan shundaymi? Mamlakatda chin ma’nodagi demokratik o‘zgarishlar bo‘lyaptimi, qonun ustuvorligini ta’minlashga yo‘naltirilgan islohotlar o‘zini oqlay olyaptimi?
O‘zbekistonlik taniqli jurnalist Sharof Ubaydullayevning bu kabi savollarga javobini “OzodNazar” eshittirishida tinglang:
