Киев вилоятидаги Ирпень шаҳри орқали эвакуация қилинаётган тинч аҳоли.

Россия Украина шаҳарларини вайрон қилмоқда. Урушнинг ўн иккинчи куни

феврал 27, 2022

Россиянинг Украинага босқини давом этмоқда. БМТга кўра, Россия босқини бошланганидан бери Украинани тарк этганлар сони 1 миллиондан ошган.
БМТга аъзо 193 давлатдан 141 таси Россиянинг Украинага босқини қораланган резолюцияни қўллаб овоз берди. Ўзбекистон овоз беришда қатнашмаган.
Сингапур Россия банкларига қарши санкциялар киритди ва икки томонлама маҳсулотларни экспорт қилишни тақиқлади.
Samsung Россияга маиший техника,телефонлар ва чиплар етказиб беришни тўхтатди.
"Роскомнадзор" Facebook ва Тwitterни блоклади.
АҚШ, ЕИ, Буюк Британия ва бошқа кўплаб мамлакатлар Москвага қарши янги-янги иқтисодий санкцияларни жорий қилмоқда. Европа рус учоқларига осмонини ёпди, Туркия эса Босфор бўғозини Россия ҳарбий кемалари учун ёпиб қўйди.
Германия Европа Иттифоқи санкцияларига тушган асли ўзбекистонлик миллиардер Алишер Усмоновнинг 156 метрли яхтасини ҳибс қилди.
38 давлат Украинадаги эҳтимолий уруш жиноятларини тергов қилишни сўраб Ҳаагадаги Халқаро жиноят судига мурожаат қилган.

Столтенберг: НАТО Украина осмонини ёпмоқчи эмас

НАТО Украина осмонини ёпмоқчи эмас мамлакатга НАТО ҳарбийлари киритилмайди. НАТО раҳбари Йенс Столтенберг бу ҳақда жума куни Брюсселда ўтказилган матбуот анжуманида билдирди.

Инсон ҳуқуқлари кенгаши Россиянинг Украинага босқини бўйича тергов комиссиясини тузишга қарор қилди

Бирлашган Миллатлар Ташкилотининг Инсон Ҳуқуқлари Кенгаши Россиянинг Украинадаги ҳарбий ҳаракатлари давомида ҳуқуқбузарликлар содир этилганини қораловчи ва уларни текшириш учун тергов комиссиясини ташкил этувчи резолюцияни кескин ёқлаб овоз берди.

4 март куни бўлиб ўтган овоз беришда 32 аъзо “ҳа” деб овоз берган, 13 нафари эса бетараф қолган. Фақат Россия ва Эритрея 47 қарши овоз берди.

“Инсон ҳуқуқлари бўйича кенгаш Россиянинг Украинага бўлган тажовузи натижасида зудлик билан мустақил халқаро тергов комиссиясини тузишга қарор қилди”, — дейилади БМТ Инсон ҳуқуқлари бўйича комиссияси Твиттерида.

Овоз бериш арафасида Украинанинг Женевадаги Бирлашган Миллатлар Ташкилотидаги элчиси Евгения Филипенко кенгашни “Россия жиноятларини ҳужжатлаштириш ва текшириш ҳамда айбдорларни аниқлаш орқали жавобгарликни таъминлаш бўйича умумий бурчини” унутмасликка чақирди.

Россия Украинага асоссиз бостириб киришда тинч аҳолини қасддан нишонга олиш каби инсон ҳуқуқлари бузилишига йўл қўйганини рад этди.

Херсонда саҳналаштирилган россияпарастлар митингига Қримдан одамлар олиб келинган

Қрим аҳолиси россияпарастларнинг уюштирилган митингида қатнашиш учун Херсонга олиб келинди, дея хабар беради Херсон вилояти маъмурияти раҳбари Геннадий Лагута:

"Фрегат меҳмонхонасига аллақачон 60-80 га яқин қримликлар жойлаштирилди. Улар марказий майдонда провокацион митингда қатнашиш учун маҳаллий аҳоли қиёфасида - Россия байроқлари ва Россия "озод қилувчиларига" "миннатдорчилик" билан қатнашадилар", деб ёзади Лагута. Унинг қўшимча қилишича, бундай шиорлар рус ҳарбийлари томонидан босиб олинган Херсон аҳолисининг ҳақиқий кайфиятини акс эттирмайди.

Киев шимолида отишмалар давом этяпти

Украина президенти девони раҳбари маслаҳатчиси Алексей Арестович 4 март куни ўтказилган брифингда Киевдан шимолий қисмида жанглар давом этаётгани, Харьков, Чернигов ва Ахтирка рус қўшинлари томонидан ўққа тутилишда давом этаётганини айтди.

Арестовиснинг билдиришича, Мариуполь қисман қамалда, Одесса шаҳрига бевосита таҳдид йўқ.

Давомини ўқинг