АҚШ давлат котиби Исроилни Ғазонинг тинч аҳолиси хавфсизлигини таъминлашга чақирди
АҚШ давлат котиби Энтони Блинкен Исроилни ҲАМАСга қарши ҳарбий амалиётни қайта бошлаш олдидан Ғазо аҳолиси учун “хавфсизлик зоналари”ни ташкил этишга чақирди. ҲАМАС АҚШ ва Европа Иттифоқи томонидан террорчи ташкилот сифатида тан олинган.
Блинкен 30 ноябрда Исроил ҳукумати расмийлари билан Тель-Авивда ўтказилган музокаралардан сўнг журналистларга берган интервьюсида: “Исроил мутлақо айбсиз бўлган фаластинликлар орасида яна қурбонлар бўлмаслигини таъминлаши шарт”,- деб билдирди. Блинкеннинг айтишича, Исроил ҳукумати АҚШнинг бу позициясини қабул қилган.
Исроил армияси 1 декабрда Ғазода АҚШ ва Европа Иттифоқи томонидан террорчи ташкилот сифатида тан олинган ҲАМАСга қарши ҳарбий амалиёт қайта бошланганини расман маълум қилди. Исроил ҲАМАСни оташкесим шартларини бузганликда ва Исроил ҳудудига ўт очганликда айблади.
Расман билдирилишича, Исроил армияси айни пайтда ҲАМАСнинг Ғазодаги объектларига самолётлар ва артилерия воситасида зарба бермоқда.
Бу билан 24 ноябрдан 30 ноябргача давом этган оташкесим якунланди. Ғазодаги оташкесим давомида, ўзаро келишувга мувофиқ, ҲАМАС 70 нафардан кўпроқ аёл ва болани гаровдан бўшатди, Исроил эса 200 дан ортиқ фаластинлик аёл ва ўсмирни қамоқлардан озод қилди.
Энтони Блинкен ҲАМАС-Исроил уруши бошланган 7 октябрдан бери уч марта Яқин Шарққа сафар қилди. Унга кўра, АҚШ Исроилнинг ўз хавфсизлигини ҳимоя қилиш ҳуқуқини тан олади, шу билан бир қаторда Ғазодаги тинч аҳоли хавфсизлигини таъминлаш шарт, деб ҳисоблайди.
Исроил бош вазири Бинямин Нетаняҳу Блинкен билан музокаралардан сўнг ёйинлаган видеосида “Биз ҲАМАСни йўқ қилишга онт берганмиз ва бизни ҳеч ким бу аҳдимиздан қайтара олмайди”, - деб билдирди.
Исроил Ғазони бомбардимон қилмоқда, оташкесимни тиклаш музокаралари натижасиз бўлди
Бир ҳафталик оташкесим ортидан Ғазо узра яна тутун кўтарилди. Бўлгада портлашлар ва отишмалар овозлари эшитилмоқда.
Ҳамас билан бир ҳафталик сулҳни узайтириш бўйича музокаралар барбод бўлганидан сўнг, шанба куни Ғазода янгиланган жанглар иккинчи кунга чўзилди ва воситачилар Исроилнинг бомбардимон қилишлари жанговар ҳаракатларни яна тўхтатишга уринишларни мураккаблаштираётганини айтишди.
Сулҳ муддати тугаганидан кейин бир неча соат ичида Ғазо соғлиқни сақлаш расмийлари ҳаво ҳужумларида 109 киши ҳалок бўлгани ва ўнлаб кишилар яралангани ҳақида хабар берди.
Жангларнинг қайта бошланиши Ғазодаги озиқ-овқат, ёқилғи, сув ва дори-дармон танқислигини кучайтириб, инсонпарварлик вазиятини янада ёмонлаштириши мумкин.
Оташкесим келишуви етти кун давом этди. Унга биноан, Ҳамас 110 асирни, Исроил эса ўз турмаларидан 240 фаластинликни озод қилди.
Украина жабҳасида вазият ўзгаришсиз. Россия президенти Владимир Путин Россия қуролли кучларидаги ҳарбий хизматчиларнинг максимал сонини 170 минг кишига ошириш тўғрисидаги фармонни имзолаган.Айни пайтда Россияда ҳарбий ёшдаги эркакларни кўчада, метрода, савдо марказларида ушлаб, куч билан сафарбарликка жалб қилинаётгани ҳақида хабарлар олинмоқда.
Украинада уруш бошланганига бугун 647-кун бўляпти, Яқин Шарқдаги уруш эса иккинчи ойга қараб кетяпти.
Сулҳ муддати тугаганидан кейин бир неча соат ичида Ғазо соғлиқни сақлаш расмийлари ҳаво ҳужумларида 109 киши ҳалок бўлгани ва ўнлаб кишилар яралангани ҳақида хабар берди.
Исроил ва Ҳамас бир-бирини музокараларни бузишда айбламоқда. Оташкесимни тиклаш бўйича музокаралар натижасиз якун топди.
Исроил томонига кўра, Фаластин жангари гуруҳи сулҳ муддатини узайтириш учун озод қилиниши керак бўлган гаровга олинганларнинг янги рўйхатини тузишни пайсалга солмоқда.
Исроил армиясининг маълум қилишича, унинг қуруқлик, ҳаво ва денгиз кучлари эрталабдан бери анклавдаги "террор нишонлари" деб айтилаётган 200 дан нуқтага зарба берган.
Исроил армияси 2 декабр, шанба куни ўз Армияси Ғазодаги Ҳамас марраларига берилган ҳаво зарбалари тасвирларини эълон қилди.
Рейтер агентлиги видеолар суратга олинган жой ёки санани мустақил равишда тасдиқлай олмади.
Ҳамас билан бир ҳафталик сулҳни узайтириш бўйича музокаралар барбод бўлганидан сўнг, шанба куни Ғазода янгиланган жанглар иккинчи кунга чўзилди ва воситачилар Исроилнинг бомбардимон қилишлари жанговар ҳаракатларни яна тўхтатишга уринишларни мураккаблаштираётганини айтди.
Исроил ҳужумларини кучайтираётган Ғазо шаҳри жанубида портлашлар содир бўлди
Шанба куни Ғазо секторидаги Хон Юнисда портлашлар содир бўлди, чунки Исроил ва ҲАМАС ўртасида жума куни якунланган мўрт сулҳдан сўнг урушдан вайрон бўлган анклавнинг жанубий шаҳри Исроилнинг кучли бомбардимонига нишон бўлди.
Хон Юнис чеккасидаги Ҳамадда содир бўлган кучли бомбардимон натижасида бир қанча турар-жой бинолари жиддий зарар кўрди ва шаҳарда хавфсизлик излаган кўплаб одамлар яна кўчирилди.
Исроил армияси шанба куни ҳудудда ХАМАС жангарилари билан шиддатли жанглар пайтида Хон Юнисга қуруқликдан бостириб киришни кенгайтиришга ҳаракат қилмоқда, деди Фаластин хавфсизлик манбаси. Манбага кўра, тўқнашувлар жума куни кечқурун Хон Юнис чеккасида Исроилнинг ҳаво ва артиллерия ҳужумлари кучайганидан кейин содир бўлган.
Можаронинг дастлабки босқичида Исроилнинг асосий нишони бўлган қамалдаги анклавнинг шимолидан қочган кўплаб фаластинлик ушбу ҳудуддан бошпана излаган эди. Бироқ сулҳ тугаганидан бери Ғазо сектори кенг кўламли бомбардимон ва вайронагарчиликларга гувоҳ бўлмоқда.
Фаластин хавфсизлик манбасига кўра, Исроил етти кунлик оташкесимдан сўнг Хон Юнисга юқори интенсив рейдлар ўтказишга эътибор қаратган.
Фаластин хавфсизлик манбаларига кўра, жума куни Исроил армияси Хон Юнис аҳолисини эвакуация қилиш ҳақида огоҳлантирувчи варақаларни ташлаган. Варақалар Хон Юнис ҳозирда "хавфли жанг майдони" эканлиги ҳақида огоҳлантирилиб, шаҳар шарқидаги ҳудудлар аҳолисидан Миср чегараси яқинидаги Рафаҳдан бошпана топишлари талаб қилинган.
Исроил ва ҲАМАС 24 ноябр куни гуманитар сулҳга келишиб олган эди. Жума куни эрталаб Исроил ХАМАСни сулҳ битимини бузганликда ва Исроил ҳудудига ўт очганликда айблаганидан сўнг, томонлар ўртасидаги жанглар давом этди.
Ғазода ҳарбий ҳаракатлар қайта бошланди, бўлганинг ҳар ёғида тутун ва чанг ҳавога ўрламоқда
Шанба (2 декабр) куни қуёш ботганидан сўнг Исроил чегараси ва Ғазо бўлгасида тутун кўкка ўрлаб, осмон портлашлардан шафақланиб турди, чунки Исроил ва ҲАМАС ўртасида оташкесим тўхтатилишининг эртасига ҳарбий ҳаракатлар янгидан бошланди.
Тиббиётчилар ва гувоҳларга кўра, шанба куни Исроил ҳарбий учоқлари ва артиллерияси Ғазо бўлгаси жанубини ўққа тутиб, масжидларга ва атрофдаги касалхоналарга зарба берган.
Урушаётган томонлар етти кунлик оташкесим барбод бўлишида бир-бирини айблади. Оташкесим чоғида ҲАМАС Исроил қамоқхоналарида сақланаётган фаластинлик маҳкумлар озод этилиши эвазига гаровдагиларни қўйиб юборди.