НАВОИЙ. “Навоий вилояти қўриқлаш бошқармаси ҳарбийлашган соқчилари номидан мактуб йўлламоқдамиз. Биз Навоий кон-металлургия комбинатига қарашли объектларни қўриқлаймиз. Биз қўриқлаётган объектлар ҳар бир соқчига ўртача 2 миллион сўмдан пул ўтказиб беради. Аммо раҳбарларимиз атиги 730-800 минг сўм ойлик тўлайди. Ҳолбуки, биз милиция ва миллий гвардия ходимлари каби хизмат олиб борамиз, 24 соат қурол билан постда турамиз. Аммо 24 соат иш вақтимиздан 16 соати учун ҳақ тўлашади.
Январь ойидан НКМК шартномани янгилади ва маошимизга яна 20 фоиз қўшди. Аммо раҳбарларимиз ойлигимизни ошириш ўрнига пасайтирди.
Яхшилаб текширув ўтказилса, тизим раҳбарларидан бир неча юз миллионлик 2 қаватли уй қургани маълум бўлади. Оддий ходимлар эса ҳатто уйимиз томони ёпишга қурбимиз етмайди. Иложсизликдан ишдан бўш кунларимиз мардикорлик қиляпмиз.
Айтаман десак гап кўп. Меҳнат қонунчилигига кўра ишлаган соатларимиз учун тўлиқ маош берилиши, иш ҳақимиз оширилишини сўраймиз”.
(Бу хабар Озодликка 28 июль куни келган.)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|