Тошкентдаги Қирғизистон элчихонаси олдида пикет ўтказиш учун келган фаоллар орасида журналист Малоҳат Эшонқулова ҳам бор эди.
Ўш фожеасининг 2 йиллиги муносабати билан Қирғизистоннинг Тошкентдаги элчихонаси олдида 12 июн куни пикет ўтказмоқчи бўлган “Бирдамлик” ҳаракати фаолларини милиция ходимлари қўлга олди.
Ҳаракатнинг уч аъзосига энг кам иш ҳақининг 80 баробари миқдорида жарима солинди.
Бу маълумотларни Озодлик жаримага тортилганлардан бири, тошкентлик журналист Малоҳат Эшонқуловадан олди.
Бирдамликчига кўра, ҳаракат аъзолари Қирғизистон элчихонаси олдига етиб боришга ҳам улгурмаган. Уларни фуқаро кийимидаги 30 дан зиёд ички ишлар ходими кутиб олган.
