АҚШ президенти Дональд Трамп мамалакатда коронавируснинг авж палласи ортда қолганини, бунинг ортидан у пайшанба куни иқтисодий фаолиятни қайта тиклашнинг “янги асосий принципларини” эълон қилишини билдирди.
“Албатта, биз огоҳ туришимиз керак, лекин айни пайтда бизнинг қатъий стратегиямиз ўз самарасини бераётганини кўриб турибмиз”, деди Трамп Оқ уйда ўтган брифингда.
АҚШ президенти, шунингдек, Вашингтон вирус тарқалишига “Ухандаги лабораториялардан бири сабаб бўлмаганми?” деган саволни ўрганаётганини ҳам айтди. Коронавирус айнан Хитойнинг Ухань шаҳридан тарқала бошлаган эди.
Жаҳонда шу кунгача коронавирусга чалинганлар сони икки миллиондан ошди. АҚШ коронавирусга чалинганлар сони бўйича етакчилик қилмоқда. Бу ерда 610 минг бемор бор. Сўнгги 24 соатда АҚШда 2569 бемор ўлди. Бу билан АҚШда коронавирусдан вафот этганлар сони 31 мингдан ошди.