Ўзбекистон эркаклар терма жамоаси Ҳиндистонда ўтаётган Жаҳон шахмат олимпиадасида чемпионликни қўлга киритишди.
9 август куни ўтказилган ҳал қилувчи баҳсда ўзбек шахматчилари Ҳолландия жамоаси устидан 2,5:1,5 ҳисобида ғолиб келишган. Шу тариқа Нодирбек Абдусатторов, Нодирбек Ёқуббоев, Жавҳир Синдаров, Жаҳонгир Воҳидов ҳамда Шамсиддин Воҳидов мусобақа ғолибига айланишган.
Ўзбек шахматчилари шахмат олимпиадасида сўнгги бор 1992 йилда совринли ўринга эга бўлишганди. Филиппиннинг Манила шаҳрида ўтказилган ўша мусобақада улар кумуш медални қўлга киритишган эди.