Президент Шавкат Мирзиёев 28 июль куни Меҳрибонлик уйлари ва махсус мактаб-интернатларни Миллий гвардия масъуллигига ўтказиш таклифини билдирди.
Президент матбуот хизматининг билдиришича, Шавкат Мирзиёев бу таклифни Тошкент шаҳридаги 21-Меҳрибонлик уйига қилган ташрфи чоғида билдирди. Президентга кўра, Миллий гвардия тарбияланувчиларнинг 18 ёшдан кейинги мустақил ҳаёти, олий маълумот олиши ва бандлигига кўмаклашувчи масъул идора бўлиши лозим.
– Бу муассасаларнинг моддий ҳомийси бор, маънавий ҳомий керак. Бу ҳам савоб, ҳам керакли иш, – деди Шавкат Мирзиёев.
Президент матбуот хизматининг билдиришича, Ўзбекистонда 16 та Меҳрибонлик уйи ва 4 та Болалар шаҳарчасида 1 минг 823 нафар, 86 та махсус мактаб-интернатда 21 минг 363 нафар бола тарбияланмоқда.