Ўзбекистон Марказий банк раиси ўринбосари Саидкамол Ходжаев мамлакатда терминаллар етишмаслигини тан олди (“Халқ сўзи”, 27 июль). Халқаро пресс-клубда молия-иқтисод муаммоларига доир саволларга жавоб қайтарган банк расмийси Ўзбекистонга терминаллар хориждан келтирилаётгани, шу боис бу борада тақчиллик мавжудлигини айтган. Жорий йил 1 мартдан Ўзбекистонда чакана ва савдо ва хизмат кўрсатиш соҳасидаги тадбиркорлар аҳолидан тўловларни банк пластик карточкалари орқали қабул қилиши шартлиги тўғрисидаги тартиб кучга кирди. Аммо ҳудудларда ҳамон турли важлар билан пластик карточка орқали тўловни рад этиш ҳоллари кузатилмоқда.
