АҚШ президенти Жо Байден Тошкент вақти билан тонгги соат 7 да АҚШ халқи ва Конгрессига йиллик ҳисобот беради.
Россиянинг Украинага давом эттираëтган босқини фонида қилинадиган мурожаатида Байденнинг жорий халқаро вазият ва хавфсизлик масаласига алоҳида тўхталиши кутилмоқда.
Оқ уйнинг билдиришича¸ Байден ўз маърузасида украиналикларнинг ҳарбий жиҳатдан таққослаб бўлмас даражада кучли Россия ҳарбий агрессиясига қарши давом эттираëтган курашига юксак баҳо беради.
Оқ уй раҳбарининг шунингдек¸ Америка ва иттифоқчилари иқтисодий ва молиявий санкциялар воситасида демократик қадриятларни ҳимоя қилиш позициясида қатъийлигини таъкидлаши кутилмоқда.
Сўнгги ижтимоий сўров натижаларига кўра¸ америкаликларнинг учдан икки қисми украиналикларга хайрихоҳ ва Байден Россияга жорий қилган санкцияларни қўллаб-қувватлайди.
Байденнинг Конгрессда қиладиган йиллик маърузасига таклиф этилган Украинанинг АҚШдаги элчисига алоҳида эҳтиром кўрсатилади ва у Америка биринчи хоними Жилл Байден ëнида ўтиради.
«Шимолий оқим-2» оператори Ғарб санкциялари ортидан ўзини банкрот деб эълон қилди
Россиянинг «Шимолий оқим-2» газ қувурлари оператори¸ Ғарб давлатлари жорий қилган санкциялар ортидан ўзининг банкрот бўлганини эълон қилди.
Бу ҳақда Швейцариянинг SRF нашрига Цуг кантони Иқтисод вазири Сильвия Тальманн-Гут маълум қилди.
«Ходимлар ишдан бўшатилгани ҳақида билдириш олди. Ҳозир биз уларга ўз ҳуқуқ ва мажбуриятларини тушунтираяпмиз. Тез орада бошқа компанияларнинг ҳам шундай вазиятга тушишини эҳтимолдан соқит қилмайман”¸ деган Швейцария нашри билан суҳбатда Иқтисод вазири.
22 февраль куни Германия канцлери Олаф Шольц Россия Донецк ва Луганскдаги сепаратчилар режимини мустақил давлат деб тан олганига жавоб тариқасида «Шимолий оқим-2» газ қувурлари лицензияси тўхтатилганини билдирган эди.
23 февраль куни АҚШ «Шимолий оқим-2» оператори Nord Stream 2 AG компаниясига санкция киритди. Бу компания акцияларининг 51 фоизи Россиянинг давлатга қарашли Газпром компаниясига тегишли.
Болтиқ денгизи остидан ўтувчи 1230 километрлик бу газ қувури Россиянинг Усть-Луга порт шаҳрини Германиянинг Грайфсвальд шаҳри билан боғлайди. 2021 йил сентябрда қуриб битирилган мазкур лойиҳа нархи қарийб 11 миллиард долларни ташкил этади.
Бу лойиҳага Европанинг Engie, OMV, Shell, Uniper ва Wintershall Dea каби компаниялари миллиардлаб доллар сармоя киритган.
2021 йил сентябрида Россия Украина чегарасида ўз қўшинларини жойлаштира бошлаши ортидан АҚШ¸ Украинага уруш қилган тақдирда¸ Россия ҳукуматининг бу лойиҳасини тўхтатишдан бир неча бор огоҳлантирган эди.
Nord Stream AG компанияси акционерлари қўмитаси раиси Германия собиқ канцлери Герхард Шрëдер. 77 яшар Шрëдер Россиянинг давлатга қарашли Роснефть компаниси раиси ҳамдир. Ғарб давлатларининг Россияга қарши санкцияларига қарамай собиқ канцлер бу лавозимлардан кетишни истамаëтир.
1 март куни немис нашрлари Шрëдернинг сукунатига норозилик тариқасида унинг командаси ëппасига ишдан кетиш ҳақида ариза ëзганини хабар қилди.
Путиннинг яқин дўсти бўлган Шрëдер ҳозиргача Россиянинг Украинага бошлаган босқинига муносабат билдирмади. Украина ҳукумати Германия собиқ канцлери “Путиннинг дунëдаги энг қудратли лоббичиси” деб атаган.
БМТ: Украина тинч аҳолисидан камида 136 одам ўлдирилди
24 февралдан бери Украинада тинч аҳоли вакилларидан камида 136 одам нобуд бўлди¸ улардан 13 таси болалардир.
Бу ҳақда Инсон ҳақлари бўйича БМТ Олий комиссарлиги расмийси Элизабет Тросселга таянган Reuters агентлиги хабар берди.
БМТ расмийсига кўра¸ урушнинг олти куни давомида камида 400 украиналик фуқаро яраланган¸ улардан 26 нафари болалардир.
-Ҳақиқий талофатлар бундан анча кўплиги эҳтимолга яқин¸ деган 1 март кунги брифингда БМТ вакили.
Элизабет Тросселнинг қайд этишича¸ қурбонлар ва жароҳатланганларнинг кўпчилиги ҳаво ҳужумлари¸кенг радиусли портловчи қурилмалар¸ хусусан оғир артиллерия ва ракета тизимлари зарбаси қурбонларидир.
28 февраль куни Украина Соғлиқни сақлаш вазири Виктор Ляшко тинч аҳолидан 352 одам ўлгани¸ улардан 16 нафарининг болалар эканини билдирган эди.
Ляшкога кўра¸ беш кунлик ҳужумлар оқибатида 2040 фуқаро яраланган¸ улардан 45 таси болалардир. 1 март кунги инсоний талофатлар ҳақида ҳозирча Киев расмий маълумот бермади.
Шаҳзода Чарльз Россия босқинини кескин қоралади
Британия валиаҳд шаҳзодаси Чарлз Россиянинг Украинага босқинини "шафқатсиз агрессия" деб атади ва бу босқинга "мардонавор қаршилик кўрсатаëтган украин халқи билан бирдам" эканини билдирди.
1 март куни қилинган бу баëнот¸ анъанага кўра сиëсатга аралашмайдиган Британия қироллик оиласи томонидан қилинган фавқулодда баëнот сифатида кўрилмоқда.
Бундан аввал қироллик оиласининг бошқа вакиллари ҳам Украина халқига бирдамлик билдириб¸ Россиядан урушни тўхтатишни сўраган эди.