Қирғизистон Россиядаги фуқароларини урушга ёлланиш жиноят экани ҳақида огоҳлантирди
Қирғизистон элчихонаси баёнотида бу мурожаат Россия Давлат Думаси урушда қатнашадиган меҳнат муҳожирлари учун Россия фуқаролигини соддалаштирилган тарзда қабул қилиш тўғрисидаги қонун қабул қилинганига муносабат эканлиги тўғридан-тўғри айтилади.
Элчихона Қирғизистон фуқароси Россия-Украина урушида қатнашган бўлса, ўз ватанида уни 10 йилгача қамоқ жазоси кутишини билдирди.
Агар Россиядаги Қирғизистон фуқаросига урушга бориш таклиф қилинса, у дарҳол элчихонага мурожаат қилиши керак, дейилган баёнотда.
Қирғизистон расмийларига кўра, 2022 йилда Россияга ишлаш учун деярли 225 минг киши кетган.
Москва ва Санкт-Петербургда сафарбарликка қарши намойиш қатнашчилари ҳибсга олинди
Путин эълон қилган ҳарбий сафарбарликка қарши норозилик акцияси Москванинг "Эски Арбат" ва "Арбат" майдонида бўлиб ўтди.
Намойишчилар "Йўқолсин уруш", "Йўқолсин мобилизация", деган ёзувлар ёзилган плакатларни кўтариб чиқишди.
Бунинг ортидан хавфсизлик кучлари етиб келишган ва ҳибсга олишлар бошланган.
Сўнгги маълумотларга кўра, "Арбат" майдони ўраб олинган. Москванинг Пушкин майдонида ҳам ҳибсга олишлар бўлаётгани ҳақида хабарлар бор.
Россиянинг шимоий пойтахти Санкт- Петербургда ҳам юзлаб одам мобилизацияга қарши норозилик акциясида қатнашган.
Урушга қарши намойишларда юзлаб одам ҳибсга олинган
Россия шаҳарларида урушга қарши намойишларнинг юзлаб иштирокчиси ҳибсга олинган. Бу ҳақда “ОВД-Инфо” хабар берди.
“ОВД-Инфо” маълумотига кўра, Санкт-Петербургда 96, Москвада 89, Екатеринбургдаги намойишларда 45 киши ҳибсга олинган.
“ОВД-Инфо”нинг ёзишича, полиция ҳибсга олиш вақтида куч ишлатган. Норозилик акциялари ҳали ҳам давом этмоқда, ҳибслар сони ортиши мумкин.
Россияда сафарбарликка қарши намойишларда 1,5 мингга яқин одам қўлга олинди
ОВД-инфонинг хабар беришича:
▪️38 шаҳарда 1386 кишши ушланди;
▪️камида бир кишига нисбатан жиноят иши очилди (Екатеринбургда);
▪️тинч намойишчиларга куч қўлланди, Петербургда норозиларни тўқмоқлар билан калтаклашган;
▪️айрим қўлга олинганларга полиция бўлинмаларида эртаси куни военкоматга келиш тўғрисидаги повесткалар берилмоқда.