тел: +420 2 2112 3437 моб:+420 608 549 460
Twitter:@BarnoAnvar Facebook: Barno Anvar
Ўзбекистон ҳукуматига мойил “Горизонт” нашрида “Тошкентда “Ҳизбут Таҳрир”га аъзо аёлларнинг яширин гуруҳи фош этилди” сарлавҳали мақола чоп этилди.
Тингловчи минбари дастури одатдагидек¸ Озодлик таҳририятига келган мактублар¸ қилинган қўнғироқлар асосида ҳозирланди. Тингловчиларимиз Озодликдан эшиттирилишини истаëтган мавзулар ҳам яна одатдагидек - адолатсизлик ва йўқчиликдан шикоят.
Ўзбекистон мусулмонлари идораси томонидан барча вилоятлардан сараланган беш минг бўлғуси ҳожи шу кунларда ҳаж зиëратини бошлашга ҳозирланмоқда.
Тожикистон Ислом Уламолари кенгаши тожик аёлларини хорижда тикилган ҳижобларни кийишдан тийилиш ва бунинг ўрнига анъанавий миллий кийимларни кийишга чақирди.
Наманган вилоятида 40 дан ортиқ гўдакнинг ёппасига одам иммун тақчиллиги вирусига чалингани тўғрисида тарқалган хабарлар қисман тасдиғини топди.
Ангрен шаҳрида гумонланган шахсни калтаклаб ўлдирганликда айбланаётган тўрт милиционер устидан маҳкама жараёни давом этмоқда.
“Ислом ва мусулмонлар” рукнининг бугунги сонида Ўзбекистон қора рўйхатидаги “Ихвонул-муслимийн”, “Жамоати таблиғ” ва “Салафийлар” оқимлари ҳақида сўз боради.
Эшиттиришимизнинг бу галги мундарижаси: - Ўзбекистон газеталарида қайси мавзуларда¸ қандай мақолалар чоп этилмоқда? Ўзбекистон расмий матбуоти шарҳи; - Қозоғистоннинг 2010 йилда ЕХҲТ га раислиги Марказий Осиё матуботи эркинлиги аҳволини ўнглайди. Европа расмийлари умиди; - Ўтган йили сўз эркинлиги борасида 110-ўринни эгаллаган Қирғизистон бу йил 112-ўринга тушиб қолди. “Чегара билмас мухбирлар” ташкилоти хавотири.
Россия Бош прокуратурасининг андижонлик Абдумуталлиб Каримовни Ўзбекистонга экстрадиция қилиш тўғрисидаги қарорини Марий Эл республикаси Олий суди маъқуллади.
"Тингловчи минбари" эшиттиришининг бугунги сонида: – тўрткўллик тадбиркор экстремист тамғаси билан 7 йил қамоқда ўтириб чиқди; – Тожикистондан Ўзбекистонга келин бўлиб тушган аёлни милиционерлар хўрлади; – ўзбекистонликлар юртида газ туриб, қишда тезак ёқишдан безийди.
Қароргоҳи Германияда жойлашган Инсон ҳуқуқлари халқаро жамиятининг Халқаро котибияти Ўзбекистон президенти номига хат йўллади. Ташкилот ўз аъзолари Мўътабар Тожибоева ҳамда сиёсий маҳбус Аҳмаджон Одиловнинг озод этилганини олқишлаб, Тошкентни “Серқуёш Ўзбекистоним” коалицияси лидери Санжар Умаровни ҳам озод этишга чақирган.
Ўзбекистонлик инсон ҳуқуқлари фаоли, Фарғонада “Ўтюраклар” клубини тузган таниқли ҳуқуқ ҳимоячиси Мўътабар Тожибоева Германия парламенти вакиллари билан учрашди. 28 октябр куни Германия парламентидаги Яшиллар партиясидан вакил Мари Лиуза Бек ва яна қатор бошқа депутатлар Мўътабар Тожибоева билан бирга ўзбекистонлик журналист Умида Ниёзовани ҳам учрашувга таклиф қилиб, Ўзбекистон қамоқхоналаридаги вазият билан қизиқди.
Бугунги дастуримизда тилга олинадиган мавзулар мазмуни: - қамоққа ташланган милиционер ўғлини ҳимоя қилаётган она ўғлининг ҳамкасблари томонидан тазйиққа олинаётганидан арз қилмоқда; - сирдарёлик нафақахўр ота ҳарбий билим юртидан ноҳақ ҳайдалган, дея 3 ярим йилдан буён ўғлининг ҳаққи учун курашмоқда; - Россияда юрган қашқадарёлик мардикорлар оғир меҳнатга кўмилган даврнинг адоғига кўзи етмай, хуноб бўлмоқда.
Ўтган икки ҳафта давомида таҳририятимизга бўлган мурожаатлар мазмуни: - 5 йилдан буён қизнинг қотили суд курсисига келтирилмаётганидан нолиётган ота арзи; - ифторда пахтазордан оқиб келаётган ариқ сувини ичиб, оғиз очаётган қашқадарёлик рўзадорлар дуоси; - моли ўзбек чегарачилари томонидан мусодара қилинган тожикистонлик тадбиркор аёл ҳасрати; - Россия ўрмонларида машаққат чекиб, интизорлик билан юрти равнақини кутаётган мардикор орзуси.
Президент Каримовнинг тўнғич қизи Гулнора Каримова бош-қошлигида Тошкентда ўтган “Подиум 2008” тадбирининг якуний нуқтаси унга жанубий Россия иқтисод ва хизмат давлат университетининг фахрий профессори деган ëрлиқнинг берилиши бўлди.
Туркиядаги ўнга яқин инсон ҳуқуқларини ҳимоя қилиш ташкилоти 28 ўзбек қочқинининг Эронга депортация қилинганини қораламоқда. Қочқинлар гуруҳи 12 октябр куни иккинчи бор куч билан мамлакатдан чиқариб юборилди ва бу гал ҳам Туркиядан чиқарилган ўзбек қочқинларининг кейинги тақдири номаълум қолмоқда.
Ғарбда инсон ҳуқуқлари ҳимояси билан шуғулланувчи икки йирик гуруҳ —Европадаги Яшил партиялар иттифоқи ҳамда Ҳюман Райтс Вотч ташкилоти Ўзбекистонга нисбатан санкциялар енгиллатилганини кескин танқид қилмоқда.
“10 сентябр куни андижонлик Муҳаммадшокир исмли, октябр ойи бошларида эса яна бир андижонлик Абдураҳмон исмли маҳбуснинг Сангороддан жасади чиқди”. Таҳририятимизга йўлланган электрон мактубда шундай хабар битилган ва бу хабарда айтилишича, ҳар икки маҳбус оғир қийноқлардан сўнг Тошкентдаги жазони ўташ муассасалари шифохонасида вафот этган. Мактуб мазмунига кўра, ҳар икки маҳбус диндор ва эҳтимол, Андижон воқеаларининг гувоҳларидир. Аммо, муаллиф ўз манзили ва исми-шарифи, шунингдек, бу маҳбусларнинг фамилияси ва уларнинг вафоти билан боғлиқ бошқа маълумотларни келтирмаган.
Бирлашган миллатлар ташкилотининг Инсон ҳуқуқлари бўйича қўмитаси Қирғизистон ҳукуматини расман тан олинган андижонлик қочқинларни Ўзбекистонга бериб юборгани учун танқид қилди. Бирлашган миллатлар ташкилоти Инсон ҳуқуқлари бўйича қўмитанинг 93 сессиясида масаласи тилга олинган ўзбекистонлик тўрт қочқин Жаҳонгир Мақсудов, Одил Раҳимов, Ёқуб Тошбоев ва Расулжон Пирматовлар, қўмита текширувлари натижасига кўра, Ўзбекистонга ноқонуний равишда бериб юборилган.
Туркия полицияси томонидан мамлакат ҳудудидан чиқариб юборилган 24 ўзбек ҳануз Эрон чегарасидаги жиноий гуруҳ қўлида қолмоқда. Бу гуруҳ уларни озод қилиш эвазига 3 минг АҚШ доллари миқдорида товон пули талаб қилмоқда. БМТ томонидан расман қочқин, деб тан олинган ўзбеклар орасида аёллар, ёш гўдаклар ҳам бор.
Давомини ўқинг
