Моб:+79258363937 (шошилинч хабарлар)
Емайл: bobomatovu@rferl.org
Россияга ишлагани бораётган муҳожирлар сони ўтган йилнинг 1 чорагига нисбатан 26,8 фоизга камайди. Россия Статистика федерал хизмати ҳисоб-китобича, Россияга энг кўп ишчи бораётга Ўзбекистон ҳозир мигрант экспорти бўйича ҳатто Украина, Қозоғистон, Қирғизистон ва Тожикистондан ортда қолган. Россиялик социологлар бу вақтинчалик ҳолат, деб ҳисобламоқда.
Роскомнадзор Telegram раҳбариятидан мессенжерни ахборот тарқатувчи восита сифатида рўйхатдан ўтказишни талаб қилмоқда. Акс ҳолда, ҳукумат Россия ҳудудида бу тармоқни блок қилиши мумкин. Рўйхатдан ўтган тақдирда, бу ижтимоий тармоқ, фойдаланувчиларга оид персонал маълумотларни махфий хизматларга топшириш мажбуриятини олади.
Қозоғистон ахборот агентликлари Оқтўбе вилоятидаги йўл-транспорт ҳалокатида 9 ўзбекистонлик нобуд бўлганини хабар қилди. Ўлганлар сонини тасдиқлаган Қозоғистон Ички ишлар вазирлиги қурбонлар ватандошлигига оид маълумотлар аниқлаштирилаётганини билдирди.
Ўзбекистон президенти Шавкат Мирзиёев Ўзбекистон ва Россия ўртасида меҳнат миграцияси соҳасида имзоланган ҳукуматлараро келишувни тасдиқлади. Айни пайтда¸ Россиядаги ўзбек муҳожирлари ҳаëтида¸ бундай келишувлар ортидан¸ ҳозирча ижобий ўзгариш кузатилмаëтгани айтилмоқда.
Москвада ўзбекистонлик таксичи салонида қолдириб кетган 100 минг рубл ва бошқа ҳужжатларини мижозига қайтарди. Асли кировлик бўлган мижоз Павел Шапкин таксичи йигит билан селфи тушгани, аммо хурсандлигидан ҳатто унинг исмини сўрашёдидан кўтарилганини ёзди.
19 июн куни Россиянинг Тула вилоятида “Исломий давлат”га одам ёллаганликда айбланаётган яна бир муҳожир ҳибсга олинди. Ўзбекистонлик Зоҳид Аслоновни қўлга олишда ФСБ, Ички ишлар вазирлиги ва Росгвардия кучлари иштирок этгани айтилмоқда.
Москвада 5 нафар марказий осиёлик муҳожир “Ҳизб ут-Таҳрир” ташкилотига аъзоликда айбланиб 15 йилдан 18 йилгача қамалди. Суд бу шахсларни террорчи деб ҳукм чиқарган бўлсада,уларга қўйилган айбловларнинг барчасини рад этмоқда.
Ёқутистоннинг қурилиш майдончаларидан бирида 15 июн куни меҳнат муҳожирлари орасида оммавий муштлашув бўлди. Видеотасвирга олинган жанжал турли пудратчи ташкилотлар ишчилари орасида бўлгани хабар қилинмоқда. Баъзи маҳаллий нашрларга кўра, инцидент иштирокчилари марказий осиёлик меҳнат муҳожирларидир.
Россияда Ўзбеклар, ўзбекистонликлар Бутунроссия конгресси (ВКУУ) фаолияти вақтинчалик тўхтатилди. Россия Адлия вазирлиги ташкилотга 2017 йил 24 ноябргачага тегишли “ҳужжатлардаги камчиликларни бартараф” этиш топшириғини берди.
Россия ҳуқуқ тартибот идоралари Москвани бир ой давомида нолегал мигрантлардан тозалаш буйруғини олди. Маҳаллий оммавий ахборот воситалари хабарига кўра, 2017-йилги ФИФА Конфедерациялар кубоги мусобақасига Москва, Санкт-Петербург, Қозон ва Сочи шаҳарлари ноқонуний меҳнат муҳожирларидан “тозаланади”.
Россиянинг Брянск вилоят суди келиб чиқиши ўзбекистонлик Украина ватандошини Ўзбекистонга бериб юбориш тўғрисида қарор чиқарди. Озодликка маълум бўлишича, 38 ёшли шаҳрихонлик Абдуманнон Жумабоев жорий йил апрелида Санкт-Петербургда қамоқхонада ётиб чиққан, лекин уни Россия Бош прокуратураси талаби билан шаҳарнинг Фрунзе туман суди озод қилган. Ҳимоячисининг айтишича, Жумабоев Ўзбекистон хавфсизлик хизмати томонидан “диний-экстремистик ташкилотга аъзоликда” гумон қилиниб, қидирувга берилган.
Жорий йилнинг 1 чораги натижаларига кўра, Россиядан Ўзбекистонга жўнатилган пул маблағлари ҳажми ўтган 2016 йилнинг шу даврига нисбатан 50,8 фоизга ошган. Россия Марказий Банки 2017 йилнинг январидан март ойи охиригача Ўзбекистонга 570 миллион АҚШ долларига тенг маблағ жўнатилганини қайд этди.
Россия Йўл ҳаракати хавфсизлиги бошқармаси Ўзбекистонда берилган аксар ҳайдовчилик гувоҳномалари “халқаро Конценция”га тўғри келмаслигини гапирмоқда. Автомобил назорат инспекторлари Ўзбекистонда берилган гувоҳнома эгаларидан 6 ойлик қайта ўқиш курсларини битириш ва маҳаллий ҳайдовчилик ҳужжатини олишни талаб қилмоқда.
Россиядаги “Қийноқларга қарши қўмита” мурожаат қилган бир неча шахс Москва шаҳар суди биносида судланувчиларни қийноққа солиш хонаси мавжудлигини билдирган. Қўмитага тақдим этилган фотосуратда ўзбекистонлик Комрон Усмоновнинг кишанланган икки қўли девордаги халқага осиб қўйилгани тасвирга туширилган.
1 июндан 12 июлгача Россияга кириб келаётган чет эл ватандошлари Москва, Санкт-Петербург, Қозон ва Сочи шаҳарларида бир сутка давомида рўйхатдан ўтиши лозим. Акс ҳолда улар мамлакатдан чиқариб юборилади.
Россия Давлат Думаси чет элдан келиб ишлаётган ҳайдовчиларга Россиядан ташқарида берилган ҳайдовчилик гувоҳномалари билан кейинги йил ёзигача ишлашга рухсат берилишини қўллаб-қувватламади.
Москванинг Мешчанский туман суди қарори билан, террорчилик актини тайёрлашда гумонланаётган яна тўртта муҳожир ҳибсга олинди.Россия пойтахти жамоатчилик транспортида портлаш уюштиришда айбланаётганлар орасида икки нафар ўзбекистонлик ҳам бор. Санкт-Петербургдаги портлаш ортидан ФСБ Россиянинг деярли барча минтақаларида “ИШИДга алоқадор террорчи ва экстремистларни” ҳибсга олаётгани кузатувчиларни шубҳалантирмоқда.
Россия Конституциявий суди хорижлик ва ватандошлиги йўқ шахсларни полициянинг махсус муассасаларида ва депортация лагерларида асоссиз ва чекланмаган муддат ушлаб туришни ғайриқонуний деб топди. Конституциявий Суд Россия қонун чиқарувчиларидан приёмникларда бесабаб узоқ муддат ушлаб турилаётган муҳожирлар масаласида тегишли федерал қонунларга ўзгартиш киритишни талаб қилди.
Миллиардер Алишер Усмонов янги чиқишида россиялик мухолифатчи Алексей Навалний билан баҳс-мунозарага киришмаслиги ва фақат суд орқали гаплашишини билдирди. Бундан олдинроқ Навалний уни юзма-юз баҳсда иштирок этиш ва саволларига жавоб беришни талаб қилган эди.
Қурилишига 10 йилдан кўпроқ вақт ва 900 миллион доллар сарфланган Санкт-Петербургдаги марказий “Зенит-Арена” стадионида мутахассислар аммиак моддасининг рухсат этилганидан 2,5 баробар кўплигини аниқлади. Стадион эгалари бунинг учун дуч келган жойда ҳожат чиқарган меҳнат муҳожирларини айбламоқда.
Давомини ўқинг
