Моб:+79258363937 (шошилинч хабарлар)
Емайл: bobomatovu@rferl.org
25 noyabr, shanba kuni Moskvada “Farg‘ona.ru” axborot agentligining yangi ofisi va ko‘rgazma zali ochilish marosimi bo‘lib o‘tadi. Kurskaya metro bekatidan uzoq bo‘lmagan joyda ochilishi kutilayotgan yangi bino, agentlik rahbari Daniil Kislovga so‘zlariga ko‘ra, “Farg‘ona Uyi” deb nomlanadi.
25 ноябрь, шанба куни Москвада “Фарғона.ру” ахборот агентлигининг янги офиси ва кўргазма зали очилиш маросими бўлиб ўтади. Курская метро бекатидан узоқ бўлмаган жойда очилиши кутилаётган янги бино, агентлик раҳбари Даниил Кисловга сўзларига кўра, “Фарғона Уйи” деб номланади.
Voyaga yetmaganlar ishlari bo‘yicha Moskva oblast, Klin shahar komissiyasi buxorolik Feruza O‘tkirovadan tortib olingan uning 6 yashar qizi Ruxshonani qaytarib bermaslik to‘g‘risida qaror chiqardi. Komissiya xulosasiga ko‘ra, O‘tkirova o‘z qizini urgan va temir katakda saqlagan. Ona va uning himoyachilari bu ayblovni rad etmoqda.
Вояга етмаганлар ишлари бўйича Москва область, Клин шаҳар комиссияси бухоролик Феруза Ўткировадан тортиб олинган унинг 6 яшар қизи Рухшонани қайтариб бермаслик тўғрисида қарор чиқарди. Комиссия хулосасига кўра, Ўткирова ўз қизини урган ва темир катакда сақлаган. Она ва унинг ҳимоячилари бу айбловни рад этмоқда.
Leningrad viloyatining Vsevolojsk shahar politsiyasi kasalxonadan bitta pijamada qochib ketgan o‘zbekistonlik 5 yashar bolani qidirmoqda. Mahalliy politsiya mulozimi Ahmadning chiqindixonalarni titkilab yurganida ushlanganini, og‘ir kasal ekani aniqlangani uchun u 2 kun oldin mahalliy shifoxonaga yotqizilganini aytdi.
Moskvaning Klin shahrida o‘zbekistonlik muhojir ayolning tashqariga bir o‘zi o‘ynagani chiqib ketgan 6 yoshli qizini politsiya xodimlari olib ketishdi. Buxorolik Feruza O‘tkirova 17 kundan buyon bolalar reabilitatsiya markazida qolayotgan qizaloqni tortib olishlari mumkinligidan xavfsiramoqda.
Ленинград вилоятининг Всеволожск шаҳар полицияси касалхонадан битта пижамада қочиб кетган ўзбекистонлик 5 яшар болани қидирмоқда. Маҳаллий полиция мулозими Аҳмаднинг чиқиндихоналарни титкилаб юрганида ушланганини, оғир касал экани аниқлангани учун у 2 кун олдин маҳаллий шифохонага ётқизилганини айтди.
Москванинг Клин шаҳрида ўзбекистонлик муҳожир аёлнинг ташқарига бир ўзи ўйнагани чиқиб кетган 6 ёшли қизини полиция ходимлари олиб кетишди. Бухоролик Феруза Ўткирова 17 кундан буён болалар реабилитация марказида қолаётган қизалоқни тортиб олишлари мумкинлигидан хавфсирамоқда.
13 noyabr Suriyadan Rossiyaga evakuatsiya qilingan 41 kishining aksariyati ayollar va bolalardir. Chechenistonning Grozniy shahar aeroportiga kelib qo‘ngan maxsus bortda voyaga yetmagan ikki o‘zbekistonlik ham bor. Bu haqda Ozodlikka Checheniston Tashqi ishlar vazirligi bildirdi.
13 ноябрь Суриядан Россияга эвакуация қилинган 41 кишининг аксарияти аёллар ва болалардир. Чеченистоннинг Грозний шаҳар аэропортига келиб қўнган махсус бортда вояга етмаган икки ўзбекистонлик ҳам бор. Бу ҳақда Озодликка Чеченистон Ташқи ишлар вазирлиги билдирди.
O‘zbekistonlik mehnat muhojirlarini Moskvadan Toshkentga olib ketayotgan “Setra” avtobusi Penza shahri atrofida buzilib, yo‘lda qolib ketdi. Bu xabarni Ozodlikka etkazgan muhojirlarning aytishicha, 10 noyabrdan beri avtobusda tunayotgan yo‘lovchilar orasida go‘daklar ham bor. Penza shahri va uning atroflarida havoning shu kundagi bir kecha-kunduzlik o‘rtacha harorati 0 darajaning atrofida.
Ўзбекистонлик меҳнат муҳожирларини Москвадан Тошкентга олиб кетаётган “Сетра” автобуси Пенза шаҳри атрофида бузилиб, йўлда қолиб кетди. Бу хабарни Озодликка етказган муҳожирларнинг айтишича, 10 ноябрдан бери автобусда тунаётган йўловчилар орасида гўдаклар ҳам бор. Пенза шаҳри ва унинг атрофларида ҳавонинг шу кундаги бир кеча-кундузлик ўртача ҳарорати 0 даражанинг атрофида.
8 noyabr kuni Moskvadagi Konchilik instituti majlislar zalida O‘zbekiston Yoshlar ittifoqi delegatsiyasi va mamlakat elchixonasi vakillarining talaba yoshlar bilan uchrashuvi bo‘lib o‘tdi. O‘zbekiston yoshlari rasmiy rahbari Qahramon Quranboev¸ Rossiyadagi talabalar bilan ilk uchrashuvida¸ o‘zidan savol so‘ragan aspirantning soqolini tanqid qildi.
8 ноябрь куни Москвадаги Кончилик институти мажлислар залида Ўзбекистон Ёшлар иттифоқи делегацияси ва мамлакат элчихонаси вакилларининг талаба ёшлар билан учрашуви бўлиб ўтди. Ўзбекистон ëшлари расмий раҳбари Қаҳрамон Қуронбоев¸ Россиядаги талабалар билан илк учрашувида¸ ўзидан савол сўраган аспирантнинг соқолини танқид қилди.
Самаранинг Хорижликларни вақтинчалик сақлаш марказида (СУВСИГ) қолаётган бир гуруҳ ўзбекистонлик муҳожир ФСБ рухсатисиз уйга кета олмаётганидан арз қилди. Ўзбекистонлик маҳбусларнинг айтишича, махсус хизматлар текширувидан ўтган ўзбеклар ўз ҳисобларига Қозоғистон чегарасигача жўнатилмоқда.
Rossiya Tergov qo‘mitasi Moskva shimolidagi yong‘inda olti muhojirning o‘lgani yuzasidan jinoiy ish qo‘zg‘atdi. Ozodlikka kelayotgan xabarlarga ko‘ra¸ ishchilar bitovkasida kuyib o‘lgan 5 erkak va bir ayol orasida o‘zbekistonliklar ham bor. Dastlabki tergov¸ tug‘ilgan kunni nishonlashga yig‘ilgan muhojirlarning yong‘in xavfsizligiga amal qilmaganidan fojia sodir bo‘lganini taxmin qilmoqda.
Rossiyada Islom Karimovga bag‘ishlab haykal o‘rnatilishiga qarshi petitsiyaga ovoz yig‘ish boshlandi. Tadbir tashabbuschisi, LDPR partiyasi namoyandasi Georgiy Gorodetskiy Ozodlikka bergan eksklyuziv intervyusida Rossiya poytaxtida “rusofob va diktator” Islom Karimovga yodgorlik o‘rnatilmasligi, “madaniyatsiz va o‘qish-yozishni bilmaydigan o‘zbeklar”ga nisbatan esa viza rejimini joriy qilish kerakligini gapirdi.
Россия Тергов қўмитаси Москва шимолидаги ёнғинда олти муҳожирнинг ўлгани юзасидан жиноий иш қўзғатди. Озодликка келаëтган хабарларга кўра¸ ишчилар битовкасида куйиб ўлган 5 эркак ва бир аёл орасида ўзбекистонликлар ҳам бор. Дастлабки тергов туғилган кунни нишонлашга йиғилган муҳожирларнинг ëнғин хавфсизлигига амал қилмаганидан фожиа содир бўлганини тахмин қилмоқда.
Россияда Ислом Каримовга бағишлаб ҳайкал ўрнатилишига қарши петицияга овоз йиғиш бошланди. Тадбир ташаббусчиси, ЛДПР партияси намояндаси Георгий Городецкий Озодликка берган эксклюзив интервьюсида Россия пойтахтида “русофоб ва диктатор” Ислом Каримовга ёдгорлик ўрнатилмаслиги, “маданиятсиз ва ўқиш-ёзишни билмайдиган ўзбеклар”га нисбатан эса виза режимини жорий қилиш кераклигини гапирди.
Sankt-Peterburgdagi gipermarketlardan biri rahbariyati xaridor otgan o‘qdan yaralangan ishchisi - o‘zbekistonlik qo‘riqchini ishdan bo‘shatmoqchi. Xorazmlik Ixtiyor Xudoynazarov xaridorni o‘g‘irlik sodir etganlikda gumon qilib to‘xtatgan paytda u to‘pponchadan o‘q uzgan va Ixtiyor ikkita o‘qdan og‘ir yaralangan. O‘q uzgan shaxs politsiya xodimi ekani taxmin qilinmoqda va u qidiruvga berildi.
Давомини ўқинг
