Тел: +996 550528 555
Facebook: @elmurod.zhusupaliev
Ўзбекистон президенти Ислом Каримовнинг саломатлиги тўғрисидаги хабарлар қирғиз матбуотида ҳар куни бир неча марталаб пайдо бўлаётган шу кунларда қирғизистонлик сиёсатчилар ўзбек президенти олиб борган сиёсат ва унинг шахсига нисбатан муносабатларни ҳам билдирмоқда.
Қирғизистон президенти Алмазбек Атамбаев 31 август куни эрталаб ҳарбий парад олдидан нутқ сўзлаётган пайтда мамлакатнинг собиқ президенти Роза Ўтунбаева Бишкек бош майдонини намойишкорона тарзда тарк этди. Кузатувчилар ва 2010 йилдан 2011 йилгача мамлакатни бошқарган Муваққат ҳукумат аъзолари “Атамбаев ўз нутқи билан Қирғизистонни халқаро даражада шарманда қилиб, янги сиёсий жанжални бошлади”, деб ҳисобламоқдалар.
Қирғизистон Фавқулодда ҳолатлар вазирлигининг маълум қилишича, 30 август куни Бишкекдаги Хитой элчихонаси олдида содир этилган портлашда бир одам ҳалок бўлди, уч одам яраланди. Қирғизистон Бош вазири ўринбосари Жениш Раззаковнинг маълум қилишича, элчихона олдида худкуш ўзини портлатган.
Президент Фармони билан 29 август Қирғизистонда мотам куни деб эълон қилинди. Мотам 27 августда Москвада юз берган ёнғинда 14 нафар қирғизистонлик меҳнат муҳожири ва Ўш –Бишкек йўлидаги автоҳалокатда 9 ватандошнинг ҳалок бўлгани муносабати билан тутилмоқда.
Тошкентдаги нашрларнинг Ички ишлар вазирлигига иқтибосан хабар беришича, Ўзбекистон Қирғизистон билан баҳсли экани айтилиб келинаётган Унгартепани ўз ҳудуди деб атади. Хабарларда мазкур ҳудуд Наманган вилояти Чортоқ тумани тасарруфида экани айтилади. Қирғизистоннинг радиореле станциялари ўрнатилган мазкур ҳудудга 22 август куни ташланган ўзбек милицияси десанти бу ерда 4 қирғизистонликни қўлга олган эди.
Қирғизистон Ўзбекистон билан чегарадаги баҳсли ҳудуд деб билувчи Унгартепага ташланган ўзбек десантчилари 4 нафар қирғизистонликни чегарани ноқонуний кесиб ўтишда айблаб¸ ҳибсга олди. Айни пайтда қирғиз президенти Унгартепа Ўзбекистонники деб тан олинган ҳужжат мавжудлиги ҳақидаги хабарлар ортидан махсус тафтиш ўтказишга буюрди.
Ўзбекистон 22 август куни Қирғизистон билан баҳсли бўлиб турган Унгартепа ҳудудига киритилган 7 кишидан иборат милиция десантини олиб чиқиб кетишдан бош тортмоқда. Бунгача қирғиз расмийлари Тошкент томонидан қўйилган талаблардан бирини бажариб, 13 августда қўлга олинган ўзбек милиционерини ватанига қайтарган эди.Тошкент бундан ташқари Косонсой сув омбори ҳудудидаги қирғиз постлари олиб ташланишини талаб қилмоқда.
Қирғизистоннинг Олабуқа тумани тергов изоляторида 13 августдан бери ҳибсда сақланиб турган Ўзбекистоннинг Косонсой туман Ички ишлар бўлими ходими орадан 10 кун ўтганидан сўнг ватанига депортация қилинди. Ўзбек милиционери Ўзбекистон икки давлат ўртасида баҳсли бўлиб турган Унгартепа ҳудудига 7 кишилик милиция десантини ташлагани ортидан ўтказилган музокаралар натижасида ҳибсдан чиқарилган.
Ўзбекистон терма жамоаси Бразилия Олимпиадасида жами 13та медални қўлга киритиб, умумжамоа ҳисобида Олимпиадада медалларга сазовор бўлган 87 давлат орасида 21-ўринни эгаллади. 5 августдан 21 августгача давом этган Рио-де-Жанейродаги XXXI Ёзги Олимпиада ўйинларида Ўзбекистонга энг кўп медални совға қилганлар ўзбек боксчилари бўлди. Аввалги Олимпиадаларда Ўзбекистон спортчилари бунчалик кўп миқдорда медаль олишга муваффақ бўлмаган эди.
Қирғизистон Бош вазири ўринбосари Жениш Раззаков ўзбекистонлик милиционер Қирғизистонда 13 августдан бери ҳибсда сақланаётгани тўғрисидаги хабарни расман тасдиқлади. 18 август куни Озодлик радиоси ўз манбасига таянган ҳолда Косонсой туман Ички ишлар бўлими ходими Косонсой сув омбори ҳудудида қўлга олингани тўғрисида хабар берган, бироқ қирғиз расмийлари бу хабарни расман тасдиқлашга шошилмаётган эди.
Ўзбек-қирғиз чегарасидаги Косонсой сув омбори ҳудудида 18 августга ўтар кечаси ўқ отилди. Бир неча кун аввал айни шу ҳудудда Косонсой туман Ички ишлар бўлими милиционерининг Қирғизистон кучишлатар тизими ходимлари томонидан “ноқонуний қурол олиб юриш”да айбланиб қўлга олингани айтилмоқда.
Бу ҳақда Озодлик мухбири суҳбатлашган мактаб ўқитувчилари маълум қилдилар. Ўқитувчиларга кўра, мактабларда дарсликлар ва айрим предметлар бўйича ўқитувчилар етишмаслиги кузатилмоқда. Бу йил ҳам аввалги йиллардаги каби рус тилида ўқитиладиган мактабларга биринчи синф ўқувчилари кўпроқ келмоқда.
Қирғизистон Россия билан ГЭСлар қуриш бўйича ҳамкорлик шартномаларини бекор қилгани ортидан Кремль Норин ГЭС каскадлари қурилиши учун гўёки сарфланган 37 миллион доллар пулни қайтаришни талаб қилмоқда. Қирғизистон парламенти махсус комиссияси раиси Алманбет Шикмаматов Кремль Тошкент билан келишиб олгани ортидан мана шундай вазият юзага келганини иддао қилди.
Қирғизистонда Марказий Осиёдаги 1916 йил қонли воқелари қурбонларини хотирлаш тадбирлари 5 августда бошланиб, шу кунгача давом этмоқда. 1916 йил воқеаларини хотирлаш бўйича ташкил этилган ҳукумат комиссияси ва мустақил комиссия ўртасида хотира тадбирлари бошланганидан сўнг кўплаб келишмовчилилкар юзага чиқди. Жумладан, мустақил комиссия 1916 йил воқеасини Чор Россияси томонидан уюштирилган геноцид деб баҳолашни талаб қилмоқда, ҳукумат комиссияси эса бунга рози бўлмаяпти.
Ўшда 24 июнь куни йўқолган ва яқинларининг аризасига асосан милиция томонидан қидирилаётган уйғур миллатига мансуб тадбиркор Хитой қамоқхонасидан топилди. Қирғизистон ҳуқуқ-тартибот тузилмаларидаги исми сир сақланаётган манбанинг айтишича, тадбиркор экстремизмда айбланиб, Хитойга яширинча олиб кетилган.
Ўзбекистон чегарачилари бир ярим ой мобайнида ҳибсда сақланган Тожикистон ватандошини ватанига қайтарди. Тожикистонлик Ҳайдар Қўзиев июнь ойи ўрталарида Ўзбекистон-Тожикистон чегарасининг маркировка қилинмаган ҳудудида ўзбек чегарачилари отган ўқдан яраланган эди. Шундан сўнг у ўзбек чегарачилари томонидан Қўқонга олиб кетилган.
Қирғизистоннинг собиқ муфтийси Чубақ ҳожи Жалилов мамлакатдаги Аҳмадий жамоасининг ҳуқуқ тузилмаларига ёзган аризаси асосида “Диний низо қўзиганлик”да айбланмоқда. Аҳмадийларнинг иддао қилишича, собиқ муфтий уларни кофир деб атаганидан сўнг Ўшнинг Қашқарқишлоқ қишлоғида жамоанинг бир аъзоси отиб ўлдирилган.
Якшанба куни Россиянинг Санкт-Петербург шаҳридан Фарғонага учган “Ўзбекистон ҳаво йўллари”га қарашли Boeing-757−200 учоғи парвоз пайтида битта двигатели ишламай қолгани туфайли Пулково аэропортига қайтди. Расмийлар учоқдаги 179 йўловчидан бирортаси шикастланмаганини айтмоқда. Аэропорт расмийси Озодлик радиосига ўзбек учоғи 8 август куни Пулковода таъмирлаш учун олиб қолинганини, унинг ўрнига резервдаги самолётлардан бири учирилганини айтди.
Бу ҳақда Қирғизистон ҳуқуқ - тартибот идоралари маълум қилди. Расмий маълумотда айтилишича, жорий йилнинг олти ойи мобайнида Суриядаги жанггарилар сафида жанг қилаётган 20 қирғизистонлик ўз ихтиёри билан ватанига қайтиб келган. Уларнинг барчасига нисбатан жиноят ишлари очилган.
Олти йилдан бери ҳуқуқлари тикланиши учун курашиб келаётган қўқонлик 73 ёшли Раҳбархон Одилова ўз оиласи ҳақ-ҳуқуқлари тикланиши учун 2014 - 2015 йилларда президент саройи ва Олий Мажлис бинолари олдида қатор пикетларни ўтказган ҳамда Бош прокурор унинг оиласи вакилини қабул қилишига эришган эди.
Давомини ўқинг
