Тел: +996 550528 555
Facebook: @elmurod.zhusupaliev
Bundan buyon Qirg‘iziston yo‘llarida hamma haydovchilar teng huquqli bo‘ladi. Qirg‘iziston davlat ro‘yxatga olish xizmati parlament deputatlari, hukumat va prezident ma’muriyati amaldorlariga alohida imtiyozlarni beruvchi KG nomerlarini yo‘q qilishga kirishdi.
Бундан буён Қирғизистон йўлларида ҳамма ҳайдовчилар тенг ҳуқуқли бўлади. Қирғизистон давлат рўйхатга олиш хизмати парламент депутатлари, ҳукумат ва президент маъмурияти амалдорларига алоҳида имтиёзларни берувчи КG номерларини йўқ қилишга киришди.
Бишкеклик журналист Дайир Ўрунбековнинг президент Алмазбек Атамбаевга нисбатан шикояти қирғиз суди томонидан қабул қилиниб, суд жараёни бошланди. Журналист президентни таҳдид қилишда ва инсоний қадр-қимматни ҳақоратлашда айбламоқда.
Москвадаги тикувчилик цехларидан бирида 31 январь куни чиққан ёнғин оқибатида ҳалок бўлган 12 киши Марказий Осиёдан Россияга ишлаш учун келган муҳожирлар экани расман маълум қилинди. Ҳалок бўлганларнинг икки нафари Ўзбекистон фуқаросидир.
Rossiya ekcpertlari Qirg‘izistonni Moskva bilan munosabati buzilgan davlatlar ro‘yxatiga kiritdi. Ekspertlar fikricha, Moskva va Bishkek munosabatlarining yomonlashuviga Kremlning Qirg‘izistondagi loyihalarni amalga oshirishdan voz kechgani asosiy sabab bo‘lgan. Buning ortidan qirg‘iz hukumati Rossiya bilan erishilgan shartnomalarni bekor qilishga majbur bo‘lgan edi.
Россия экcпертлари Қирғизистонни Москва билан муносабати бузилган давлатлар рўйхатига киритди. Экспертлар фикрича, Москва ва Бишкек муносабатларининг ёмонлашувига Кремлнинг Қирғизистондаги лойиҳаларни амалга оширишдан воз кечгани асосий сабаб бўлган. Бунинг ортидан қирғиз ҳукумати Россия билан эришилган шартномаларни бекор қилишга мажбур бўлган эди.
O‘zbekistonning So‘x eksklavida haydovchilar ish tashlagani ortidan ikki kun mobaynida So‘x - Farg‘ona yo‘nalishida yo‘lovchi tashuvchi avtomashinalar qatnovi to‘xtab qoldi. Ozodlikning So‘xdagi manbalariga ko‘ra, mazkur yo‘nalishdagi qatnov 27 yanvardan asta-sekinlik bilan jonlana boshlangan. So‘xdan Farg‘onaga borish yo‘lkirasi esa 20 ming so‘mdan 100 ming so‘mga ko‘tarilib ketgan.
Ўзбекистоннинг Сўх эксклавида ҳайдовчилар иш ташлагани ортидан икки кун мобайнида Сўх - Фарғона йўналишида йўловчи ташувчи автомашиналар қатнови тўхтаб қолди. Озодликнинг Сўхдаги манбаларига кўра, мазкур йўналишдаги қатнов 27 январдан аста-секинлик билан жонлана бошланган. Сўхдан Фарғонага бориш йўлкираси эса 20 минг сўмдан 100 минг сўмга кўтарилиб кетган.
Afg‘onistonda O‘zbekiston Islomiy harakatidan ajrab chiqqan tojikistonlik dala qo‘mondonlaridan biri Amriddin Tabarov o‘ldirilgani to‘g‘risdagi ma’lumotlarni Tojikiston hukumati rasman tasdiqladi.
Афғонистонда Ўзбекистон Исломий ҳаракатидан ажраб чиққан тожикистонлик дала қўмондонларидан бири Амриддин Табаров ўлдирилгани тўғрисдаги маълумотларни Тожикистон ҳукумати расман тасдиқлади.
O‘zbekistonda yanvar oyida havo haroratining 20 darajagacha ilishi bo‘lg‘usi hosil g‘amini yeyayotgan fermerlarni tashvishga solmoqda. Ammo O‘zgidrometning Ozodlik muxbiri bog‘langan mutaxasislari “qish faslidagi bahor” yana qancha davom etishini bilmasliklari va bu borada prognozlar ham yo‘qligini aytishdi.
Ўзбекистонда январь ойида ҳаво ҳароратининг 20 даражагача илиши бўлғуси ҳосил ғамини еяётган фермерларни ташвишга солмоқда. Аммо Ўзгидрометнинг Озодлик мухбири боғланган мутахасислари “қиш фаслидаги баҳор” яна қанча давом этишини билмасликлари ва бу борада прогнозлар ҳам йўқлигини айтишди.
Yevropa Ittifoqida “O‘tyuraklar klubi” inson huquqlarini himoya qilish xalqaro tashkiloti hamda “Muqobil O‘zbekiston” muvofiqlashtirish kengashining qo‘shma loyihasi bo‘lgan yangi “Tug'yon” onlayn-radiosi 16 yanvardan o‘z ishini boshladi.
Европадан бошпана топган ўзбекистонлик фаоллар¸ хусусан¸ “Ўтюраклар клуби” инсон ҳуқуқларини ҳимоя қилиш ташкилоти ҳамда “Муқобил Ўзбекистон” мувофиқлаштириш кенгашининг қўшма лойиҳаси бўлган янги “Tug'yon” онлайн-радиоси 16 январдан иш бошлади.
Jahon bankining Yevropa va Markaziy Osiyo mamlakatlari bo‘yicha vitse-prezidenti Siril Myuller bank bundan buyon ham O‘zbekiston iqtisodiyotini rivojlantirish bo‘yicha hamkorlikka tayyor ekanini ma’lum qildi. Jahon banki keyingi besh yil davomida mazkur hamkorlik doirasida O‘zbekistonga 3,5-4 milliard dollar qarz bermoqchi.
Жаҳон банкининг Европа ва Марказий Осиё мамлакатлари бўйича вице-президенти Сирил Мюллер банк бундан буён ҳам Ўзбекистон иқтисодиётини ривожлантириш бўйича ҳамкорликка тайёр эканини маълум қилди. Жаҳон банки кейинги беш йил давомида мазкур ҳамкорлик доирасида Ўзбекистонга 3,5-4 миллиард доллар қарз бермоқчи.
O‘zbekistonlik ayrim mustaqil tahlilchilar 2016 yilning bahoridan mamlakatda iqtisodiy qiyinchiliklar boshlanishi mumkinligini bashorat qilmoqda. O‘zbekiston hukumati iqtisodiy qiyinchiliklar oldini olish yo‘llaridan biri qatorida soliqlarni ko‘paytirish ortidan byudjetni kattalashtirib ko‘rsatish printsipini tanlagan. Biroq bu yo‘l “iqtisodni falsifikatsiyalashdan boshqa narsa emas”, demoqda mustaqil iqtisodchilar.
Ўзбекистонлик айрим мустақил таҳлилчилар 2016 йилнинг баҳоридан мамлакатда иқтисодий қийинчиликлар бошланиши мумкинлигини башорат қилмоқда. Ўзбекистон ҳукумати иқтисодий қийинчиликлар олдини олиш йўлларидан бири қаторида солиқларни кўпайтириш ортидан бюджетни катталаштириб кўрсатиш принципини танлаган. Бироқ бу йўл “иқтисодни фальсификациялашдан бошқа нарса эмас”, демоқда мустақил иқтисодчилар.
Dushanbeda 11 yanvar kuni Pokiston va Tojikiston rasmiylari O‘zbekiston barpo etilishiga qarshi chiqayotgan CASA-1000 loyihasini amalga oshirish istiqbollarini muhokama qiladi. 2016 yildan amalga oshirilishi rejalanayotgan mazkur loyihada Tojikiston va Qirg‘izistondan Afg‘oniston va Pokistonga elektr energiyasini uzatish nazarda tutilgan.
Душанбеда 11 январь куни Покистон ва Тожикистон расмийлари Ўзбекистон барпо этилишига қарши чиқаётган CASA-1000 лойиҳасини амалга ошириш истиқболларини муҳокама қилади. 2016 йилдан амалга оширилиши режаланаётган мазкур лойиҳада Тожикистон ва Қирғизистондан Афғонистон ва Покистонга электр энергиясини узатиш назарда тутилган.
Давомини ўқинг
